Goi-mailako kirol-lehiaketak antolatzeko diru-laguntzak.
AGINDUA, 2018ko ekainaren 20koa, Kultura eta Hizkuntza Politikako sailburuarena, zeinaren bidez iragartzen eta arautzen baitira 2018. urteko goi-mailako kirol-lehiaketak antolatzeko diru-laguntzak.
Kultura eta Hizkuntza Politika Sailak, agindu honen bidez, diru-laguntzen lerro bat ezartzen du Euskal Autonomia Erkidegoan goi-mailako kirol-lehiaketak antolatzen laguntzeko. Izan ere, goi-mailako kirol-lehiaketak antolatzeko jarduerak sustatzeari garrantzizko irizten dio Eusko Jaurlaritzak, eta horregatik egiten du deialdi hau. Oro har, kirola bultzatzeko pizgarri dira lehiaketok, lehiarako marko bat eskaintzen die goi-mailako euskal kirolariei eta jarduera ekonomikoa sortzen dute. Euskadiko kirolari buruzko ekainaren 11ko 14/1998 Legearen arabera, goi-mailako kirola herri-interesekoa ere bada; izan ere, batetik, funtsezko faktorea da Euskal Autonomia Erkidegoan oinarrizko kirola garatzeko, eta, bestetik, Estatu-mailako eta nazioarteko kirol-lehiaketa ofizialetan errepresentazio-funtzioa du. Euskal Autonomia Erkidegoko instituzio komunei ematen die goi-mailako kirola antolatu eta sustatzeko eskumenaz baliatzeko ahalmena. Xehetasun gehiago hemen
Estatu mailako lehiaketak
Gipuzkoako taldeak !!
Nazioarteko eta Estatu Mailako Lehiaketak
-
Futbola
2024/11/28real sociedad
ajax
-
Eskubaloia
2024/11/24anaitasuna 34
mek eibar eskubaloia 29
-
Eskubaloia
2024/11/24tolosa c.f. eskubaloia 34
balonmano barakaldo 30
-
Futbola
2024/11/24tolosa cf
cd getxo
-
Futbola
2024/11/24sd eibar b 3
antiguoko ke b 2
-
Saskibaloia
2024/11/24castillo de gorraiz valle de egües 65
ulacia zke 56