 (Small).jpg&deporte=todos)
Euskal Pilota Jardunaldi honetan hasiko dira eskuzko eta zesta-puntako Errendimenduko Gipuzkoako Txapelketak
Asteazkena, 2023.eko Urtarrilak 11
2. urteko alebinek eta infantilek binaka jokatuko dute, bai eskuz bai zesta-puntaz; final guztiak apirilaren 2ko asteburuan izango dira
Urte berriarekin batera hasiko dira txapelketa ugari ere, eta horien artean daude Errendimenduko Gipuzkoako Txapelketak. Hain zuzen ere, bi jarriko dira martxan asteburu honetan: Eskuz binakako Errendimenduko Gipuzkoako Txapelketa eta Errendimenduko Gipuzkoako Zesta-punta Txapelketa.
Eskuz binakako Errendimenduko Gipuzkoako Txapelketan, 2. urteko alebinek eta infantilek jokatuko dute. 2. urteko alebinetan, 1. mailako lehia eta 2. mailako lehia izango dira; 65 bikotek eman du izena alebinetan: 27 1. mailan eta 38 2. mailan. Infantiletan, berriz, 1., 2. eta 3. maila osatu dira; 82 bikote lehiatuko dira: 23 1. mailan, 46 2. mailan eta 13 3.mailan.
Bai alebinetan bai infantiletan ligaxka jokatuko dute lehenik, urtarrilaren 15eko jardunaldian hasi eta otsailaren 12kora bitartean. Denek jarraituko dute aurrera, hurrengo fasera: multzo bakoitzean 1. eta 2. postuan sailkatzen diren bikoteek Gipuzkoako Txapelketa jokatuko dute, eta 3. postutik 6.era bitartekoek eskualdeko txapelketak, Ekialdekoa eta Mendebaldekoa. Infantilen 3. mailakoen kasuan, berriz, eskualde bakarrera bilduko dira.
Final guztiak, bai Gipuzkoakoak bai eskualdeetakoak, apirilaren 2ko asteburuan jokatuko dituzte.
Webgune honetako Lehiaketa-Errendimendua-Gipuzkoa-Eskuz binaka atalean daude jasota txapelketaren xehetasun guztiak.
Bestetik, infantil kategoriako puntistek Errendimenduko Gipuzkoako Zesta-punta Txapelketari ekingo diote, asteburuan. Eta alebin kategoriakoek Gipuzkoako Eskolarteko Zesta-punta Txapelketari. Binaka ariko dira batean zein bestean.
10 bikotek eman du izena Eskolarteko Txapelketan (alebinak) eta beste 10 taldek Errendimenduko Txapelketan (infantilak).
Lehenik, itzuli bateko ligaxka jokatuko dute guztiek, urtarrilaren 15eko jardunaldian hasi eta martxoaren 19kora bitartean.
Lehen fasea bukatuta, martxoaren 26ko asteburuan jokatuko dituzte finalerdiak. Eta finalak apirilaren 2ko jardunaldian izango dira ikusgai.
Estatu mailako lehiaketak
Gipuzkoako taldeak !!
Nazioarteko eta Estatu Mailako Lehiaketak
-
Futbola
2023/2/1eibar s.a.d.
osasuna c.a.
-
Saskibaloia
2023/2/1juaristi isb
melilla sport capital
-
Futbola
2023/2/1real madrid c.f.
real sociedad de f. s.a.d.
-
Saskibaloia
2023/2/1tau castello
guuk gipuzkoa basket
-
Eskubaloia
2023/1/29egia - teila fabrika 20
helvetia anaitasuna 29
-
Futbola
2023/1/29beasain s.d. 0
izarra c.d. 1