Euskal Pilota Euskal Pilota Egokituko XIII. Gipuzkoako Txapelketa, prest
Osteguna, 2023.eko Urtarrilak 12
Larunbatean hasiko da, Idiazabalen; bi lehia izango dira: adimen urritasuneko teniseko paleta txapelketa, eta gomazko paleta txapelketa gurpil aulkian; Gipuzkoako hainbat herrik hartuko dituzte jaialdiak; buruz buruko finalak martxoaren 18an izango dira, Oñatin, eta binakakoak maiatzaren 20an, Tolosan
Prest da Euskal Pilota Egokituko XIII. Gipuzkoako Txapelketa; larunbatean abiatuko da, Idiazabalen. Atzo (2023-01-11) aurkeztu zuten Gipuzkoako Euskal Pilota Federazioak (GEPF) eta Gipuzkoako Kirol Egokituen Federazioak (GKEF) elkarlanean antolatutako eta Gipuzkoako Foru Aldundiak, hainbat udalek, kirol elkartek eta enpresek lagundutako txapelketa, Idiazabalgo Igarondo pilotalekuan, 1. jardunaldia jokatuko den lekuan.
Bi lehia izango dira Euskal Pilota Egokituko Gipuzkoako Txapelketan: batetik, adimen urritasuna duten kirolariena; eta, bestetik, urritasun fisikoa duten kirolariena. Buruz buru zein binaka ariko dira. Lehendabizikoek paletaz jokatuko dute, teniseko pilotarekin; eta bigarrenek gomazko paletaz, gurpil aulkian.
Inoizko parte-hartzerik handiena izango du aurtengo txapelketak, 30 bat pilotari lehiatuko baitira.
Larunbatean hasi eta maiatzera arte iraungo du lehiak, eta lurraldeko hainbat frontoitan izango dira jardunaldiak; larunbatetan jokatuko dituzte partidak, 10:00etatik aurrera. Buruz-buruko finalak martxoaren 18an izango dira ikusgai, Oñatin. Eta binakakoak, berriz, maiatzaren 20an, 10:30ean, Tolosan. Erantsitako dokumentuan ikus daiteke txapela iragartzen duen kartela. Eta ondorengo lerroetan jardunaldiz jardunaldiko egitaraua:
Urtarrilak 14, Idiazabal (gurpil aulkia + adimen urritasuna)
Urtarrilak 28, Villabona (adimen urritasuna)
Otsailak 11, Zestoa (adimen urritasuna)
Otsailak 25, Arama (adimen urritasuna)
Martxoak 18, Oñati. BURUZ BURUKO FINALAK
Apirilak 1, Zarautz (adimen urritasuna)
Apirilak 22, Donostia-Antigua (gurpil aulkia + adimen urritasuna)
Apirilak 29, Mutriku (adimen urritasuna)
Maiatzak 20, Tolosa. BINAKAKO FINALAK
Estatu mailako lehiaketak
Gipuzkoako taldeak !!
Nazioarteko eta Estatu Mailako Lehiaketak
-
Futbola
2023/2/1eibar s.a.d.
osasuna c.a.
-
Saskibaloia
2023/2/1juaristi isb
melilla sport capital
-
Futbola
2023/2/1real madrid c.f.
real sociedad de f. s.a.d.
-
Saskibaloia
2023/2/1tau castello
guuk gipuzkoa basket
-
Eskubaloia
2023/1/29egia - teila fabrika 20
helvetia anaitasuna 29
-
Futbola
2023/1/29beasain s.d. 0
izarra c.d. 1