Euskal Pilota Mutrikuk jantzi du txapela aurtengoan Herriarteko Zesta-punta Txapelketan
Asteazkena, 2022.eko Ekainak 29
Final polit eta estua jokatu dute Mutrikuk eta Zumaiak, eta berdinduta iritsi dira nagusien partidara; 2-1 irabazita, beraien 7. txapela jantzi dute mutrikuarrek
Final politta eta estua izan da Mutrikuren eta Zumaiaren artekoa Gipuzkoako Herriarteko Zesta-punta Txapelketan. Nagusien partidara berdinduta iritsi dira bi herriak, eta azkenean, 2-1 irabazita, mutrikuarrek jantzi dituzte txapelak edizio honetan:
Ekainak 24, ostirala, 18:00, Zumaia-Aitzuri
MUTRIKU 2 / ZUMAIA 1. MUTRIKU TXAPELDUN
1. Kadeteak:
MUTRIKU (Ekhi Lete-Oñatz Agirregomezkorta) 30
ZUMAIA (Amets Etxabe-Frida Watkins) 7
2. Jubenilak:
MUTRIKU (Aiert Beristain-Manex Ansola) 7
ZUMAIA (Gonzalo Agirre-Danel Odriozola) 30
3. Nagusiak:
MUTRIKU (Eñaut Urreisti-Mikel Manzisidor) 30
ZUMAIA (Eduardo Agirre-Unai Uranga) 26
Pilotari hauek osatu dute Mutrikuko taldea aurtengo Herriartekoan: Oinatz Agirregomezkorta, Aitor Andonegi, Lander Andonegi, Markel Andonegi, Manex Ansola, Zuhaitz Arrillaga, Aiert Beristain, Haritz Eizagirre, Yon Iparragirre, Amets Lekube, Ekhi Lete, Eneritz Lizardi, Mikel Manzisidor, Jon Iñaki Mendizabal, Aiur Txurruka, Eñaut Urreisti eta Unax Zubizarreta.
Eta ondorengoek Zumaiakoa: Cosme Agirre, Eduardo Agirre, Gonzalo Agirre, Haritz Egaña, Amets Etxabe, Julen Mugerza, Daniel Odriozola, Unai Uranga, Ander Ureta eta Frida Watkins.
2022ko edizioa irabazita, Mutrikuk 7. txapela gehitu dio bere palmaresari (bigarren da sailkapenean, Zumaiaren atzetik); besteak 2013, 2014, 2015, 2016, 2017 eta 2019 urteetan lortu zituen. Eta beste 4 bider izan da txapeldunorde: 2011n, 2012an, 2018an eta 2021ean.
Zumaiak, berriz, 10 txapel ditu (esan bezala, txapel gehien dituen herria da), 1999, 2000, 2001, 2002, 2003, 2007, 2011, 2012, 2018 eta 2021 urteetan irabazitakoak. Eta, aurtengoarekin, beste 11 aldiz izan da txapeldunorde: 2004, 2005, 2008, 2009, 2010, 2013, 2014, 2015, 2016, 2017 eta 2022ko edizioetan, hain zuzen ere.
Mutrikuk Herriarteko Zesta-punta Txapelketaren 12 ediziotan hartu du parte, eta Zumaia edizio guztietan lehiatu da, hau da, 24 aldiz.
Aurten 3 herrik jokatu dute: Hondarribia, Mutriku eta Zumaia.
Estatu mailako lehiaketak
Gipuzkoako taldeak !!
Nazioarteko eta Estatu Mailako Lehiaketak
-
Futbola
2022/08/21villarreal c.f. b s.a.d.
eibar s.a.d.
-
Futbola
2022/08/21real sociedad de f. s.a.d.
barcelona f.c.
-
Futbola
2022/08/14eibar s.a.d. 2
tenerife c.d. s.a.d. 1
-
Futbola
2022/08/14cadiz c.f. s.a.d. 0
real sociedad de f. s.a.d. 1