Izotz gaineko irristaketan hasteko ikastaroa
Osteguna, 2024.eko Abenduak 5
Gipuzkoako eskola kiroleko programaren berezitasunetako bat da kirol minoritarioak ezagutarazteko eskaintzen diren kirol hastapeneko kanpainak. Urtero 35.000 ikaslek baino gehiagok hartzen du parte lehiaketarik gabeko programa hauetan, eta Gipuzkoako ikasleei 45 kirol disziplina baino gehiago eskaintzen zaizkie.
Izotz gaineko irristaketan hasteko kanpaina, hain zuzen, Gipuzkoako Foru Aldundiko Kirol Zerbitzuak Eskola Kiroleko programaren aterkipean duen hastapen kanpaina arrakastatsuenetako bat da, nagusiki, partaide kopuruari dagokionez. Izan ere, 2023-24 ikasturtean Gipuzkoako 9.945 eskola-umek hartu zuten parte (% 46 neskak).
Lehen Hezkuntzako 3. mailatik hasi eta Unibertsitatera arteko ikasleei zabaltzen zaie eskaintza, eta irailaren 15etik maiatzaren 31ra, eskola orduetan nagusiki, joaten dira Txuri-Urdin Izotz Jauregiko instalazioetara. Izen-ematea ikastetxearen bidez egin behar da, ezinbestekoa baita eskola kiroleko aseguruarekin babestuta egotea, eta saio bakoitzak 4,5 euroko kostua du, partaide eta saio bakoitzeko.
Guztira lau saio mota eskaintzen dira, maila eta adinaren arabera, eta ikastaroek helburu zehatz hauek izaten dituzte:
- Izotz gaineko irristaketaren oinarrizko teknikak ikastea.
- Afektibitatate arazoen kudeaketa (beldurra galtzea).
- Izotz gaineko irristaketan dauden modalitateak ezagutzera ematea.
- Materiala zaintzeko oinarrizko teknikak ikastea.
Estatu mailako lehiaketak
Gipuzkoako taldeak !!
Nazioarteko eta Estatu Mailako Lehiaketak
-
tercera feb
2024/12/22caja rural real valladolid baloncesto
mondragon unibertsitatea
-
tercera feb
2024/12/22construcciones gonzálo crespo pas- piélagos
ulacia zke
-
tercera feb
2024/12/22iruki take
restaurante los arcos cb solares
-
segunda feb
2024/12/22biele isb
lobe huesca la magia
-
emakumezkoen liga - 2
2024/12/22ponce valladolid
mondragon unibertsitatea
-
challenge el
2024/12/22lima-horta barcelona
domusa teknik isb