.JPG&deporte=tenisdemesa)
Zergatik da garrantzitsua kirol-hastapen jarduerak haurraren gertuko testuinguruan burutzea?
Osteguna, 2025.eko Martxoak 20
Kirol-jarduera gertuko testuinguruan egitearen garrantzia
Eskolaz kanpoko kirol-jarduerak udalerritik gertu egitearen oinarrian azterketa eta ikerketa sendoak daude. Ikerketa hauek aditzera eman dute kirol-espezializazio goiztiarrak eta familien gehiegizko ardurak ondorio negatiboak izan ditzakeela gazteen osasun fisiko eta emozionalean. Neurri honekin, kirol-praktika orekatuagoa eta iraunkorragoa sustatu nahi da, haurren ongizatea lehenetsiz eta familien zama arinduz.
Erantzukizun handia
Coakleyk aditzera eman zuenez (2010), kirol-espezializazio intentsibo eta goiztiarrak erantzukizun handia eskatzen die familiei. Ez dute soilik denbora eta dirua inbertitu behar beren seme-alabek kirolean jarraitu dezaten; horrez gain, entrenamendu eta lehiaketetara eramatea eta laguntzea ere dagokie. Egoera honek sentimendu kontrajarriak sortzen ditu: batzuk harro sentitzen dira beren seme-alaben kirol-arrakastaz, eta beste batzuk kezka sentitzen dute euren errutinan eta bizitza pertsonalean duen eraginagatik. Lan-ordutegiak egokitu behar izaten dituzte, maiz bidaiatu eta asteburuak eta oporrak kirol-ekitaldietara bideratu (Guettler & Insights, 2024).
Gazteen garapena
Gainera, kirol espezializazio goiztiarrak eta urrutiko lehiaketetan parte hartzeak eragin negatiboa izan dezake gazteen garapenerako funtsezko alderdi batzuetan. Atkinson eta Goodwayk (2021) ohartarazi zuten joan-etorri luzeek eta entrenamendu saio gogorrek hezkuntza-aukerak mugatu ditzaketela, harreman pertsonalen eraikuntza zaildu eta gazteen autoestimua kaltetu. Horrez gain, kirolaren esparrutik kanpo gurasoekin sozializatzeko denborarik ez izateak eragina izan dezake heldutasunean ezinbestekoak diren trebetasun sozialen garapenean (Ferguson & Stern, 2014; Russell & Limle, 2013; Wiersma, 2000).
Osasun fisikoa eta mentala
Meisel et al. (2022) ohartarazi zuten kirol bakarra praktikatzeak eta etengabe bidaiatzeak atsedenerako, sozializaziorako eta lo egiteko denbora murriztu dezakeela. Elementu horiek guztiak ezinbestekoak dira modu osasuntsuan hazteko eta ongizate pertsonalerako. Atseden faltak ez du soilik ikasketa- eta kirol-errendimendua kaltetzen; horrez gain, lesio-arriskua eta epe luzeko osasun-arazoak areagotzen ditu (Kroshus et al., 2019; Weaver et al., 2018). Gainera, goi mailan lehiatzeko presioak antsietatea eta estresa sortu ditzake, eta kirola jarduera ludiko eta hezigarri gisa bizitzeko gazteek duten gaitasunean eragiten du.
Zama logistiko eta ekonomikoa
Desplazamenduak mugatzeak familien zama logistiko eta ekonomikoa murrizten du, senideekin igarotzen den denbora handiagoa da eta haurren ongizate osoa lehenesten du. Hymanek (2013) adierazi bezala, kirolak dibertsioan eta garapen pertsonalean oinarritu behar du haurtzaroko etapetan, eta ez du soilik gizartearen espektatibak betetzeko edo epe laburreko lehiaketa-helburuak lortzeko izan behar. Gainera, neurri honen bidez haurren arteko desberdintasunak murrizten dira, distantzia eta garraio-kostuak familia askorentzat oztopo bihurtu daitezkeelako. Tokiko kirola sustatzean, beraz, guztion irisgarritasuna bermatzen da, faktore ekonomikoa alboratuta.
Garapen integrala
Neurri hau bat dator adituen gomendioekin; izan ere, ikuspegi osasungarriagoa eta ez hain zorrotza iradokitzen dute adin goiztiarretako kirol-praktikan. Messner eta Mustok (2014) diote ongizatea, osasuna eta berdintasuna funtsezko elementuak direla kirolean, eta horregatik, kirol-jarduerak ingurune hurbilean eginez gero, haurren garapen integrala lehenesten duen eredua indartzen dela, eta lehia eta errendimendu altua bigarren maila batean geratzen direla.
Ondorioa
Gipuzkoako Foru Aldundiak Eskola Kiroleko desplazamenduak mugatzeko hartutako erabakiaren helburua ez da soilik familien zama arintzea; horrez gain, eskola-adineko haurren garapen orekatua bermatzeko neurri gisa ulertzen da. Honen bidez, kirola, hezkuntza, atsedenaldia eta harreman sozialak uztartzeko oreka lortzen baita. Neurri honek ebidentzia zientifikoa sendoa du oinarri, eta kirol-espezializazio goiztiarrak eta familiengan izandako ondorioek sortzen dituzten arriskuekiko kezkei erantzuten die. Iraunkortasunaren eta ekitatearen ikuspegitik, kirola aberasgarria eta hezigarria izan dadin bermatzen da, haurren ongizate fisiko, emozional eta soziala kaletetu gabe.
Estatu mailako lehiaketak
Gipuzkoako taldeak !!
Nazioarteko eta Estatu Mailako Lehiaketak
-
gizonezkoen 2.maila
2025/4/6irun leka enea
fortuna ke-super amara
-
gizonezkoen 2.maila
2025/4/6welltech electronics guretalde
atletico san sebastian
-
gizonezkoen 1.maila
2025/4/6universidad de burgos - tpf
atletico san sebastian
-
gizonezkoen 1.maila
2025/4/6club deportivo coyanza
atletico san sebastian
-
gizonezkoen ohorezko maila
2025/4/6boadilla tm ceip teresa berganza
atlético san sebastián
-
gizonezkoen ohorezko maila
2025/4/6one vision parla
atlético san sebastián