AFEDEGI Gipuzkoako Foru Aldundiak errekurtsoa jarri du EAEko Justizia Auzitegi Nagusiak Multikirola programa partzialki baliogabetzeko hartutako erabakiaren aurka
Astelehena, 2025.eko Martxoak 10
Idazkian adierazten denez, Gipuzkoako araua partzialki baliogabetzen duen epaiak, salatzaileari eragiteaz gain, 11.000 ikasleri, klubei eta administrazioei eragiten die.
Gipuzkoako Foru Aldundiak kasazio errekurtsoa prestatzeko idazkia aurkeztu du Euskal Autonomia Erkidegoko Justizia Auzitegi Nagusiko administrazioarekiko auzien salan, urtarrilaren amaieran jakitera emandako epaitzaren aurka. Epai horrek partzialki baliogabetzen du ezarrita dagoen baldintza bat, hau da, 6 eta 12 urte bitarteko adingabeek kirol klub batean izena eman ahal izateko Multikirola programan parte hartu behar dutela.
Idazkian adierazten denez, «aurkaratutako ebazpenaren eragina ez da salaketa jarri duen familiara bakarrik mugatzen, askoz esparru zabalagoa hartzen du, eta milaka ikasleri, kirol klubei, ikastetxeei eta inplikatutako administrazio publikoei eragiten die». 2023-2024 ikasturteko datuen arabera, Multikirolean izena emanda dauden 17.500 ikasleetatik, 11.000 inguru izango lirateke epaitza horren eraginpean.
Orain arte egin den bezala, Kirolaren Legeak ezartzen duena betetzen jarraitzeko konpromisoa hartu da, hau da, "multikirola kirol anitzeko programa bat izatea, espezializazio goiztiarra eta talentuaren ustiapen goiztiarra saihestuko dituena; adingabeen heltze garapena errespetatuko duena eta epe luzeko kirol jarduera fisikorako ohitura oinarri sendoak ezarriko dituena; eta koordinazioa, gainkargak eragindako lesioen prebentzioa eta interes eta trebetasun berrien aurkikuntza bultzatuko dituena", gogorarazi du Goizane Álvarez Kiroletako diputatuak.
Ildo horretan, “2023ko Kirolaren EAEko Legearen printzipioekin bat datorren eredua da, kirol minoritarioak sustatzen dituena, ekosistema anitza bermatuz eta haur bakoitzaren aukerak zabalduz haurrei bizitzarako konpetentziak irakasten dizkiena jolasa eta dibertsioa oinarritzat hartuta, eta emaitzak, lehiaketak edo talentua alde batera utzita; eredu solidarioa, integratzailea eta ikastetxeak erdigunean jartzen dituena, guztientzat irisgarriak direlako eta lehiaren presio eta estresik kanpo daudelako" adierazi du amaitzeko.
Gipuzkoako Foru Aldundiak eskola kirola hobetzeko eta oinarrizko kirolaren esparruan eredu bakar horretan parte hartzen duten milaka ikasleri laguntzeko duen konpromisoa berresten du, eta Auzitegi Gorenak gai hori argitu dezan espero du, Gipuzkoako eskola kirolaren programaren egonkortasuna eta jarraipena bermatzeko.
Estatu mailako lehiaketak
Gipuzkoako taldeak !!
Nazioarteko eta Estatu Mailako Lehiaketak
-
Futbola
2025/3/30sd eibar b 2
tudelano 2
-
Errugbia
2025/3/30real ciencias la carloteña 31
arquitectura s23 8
-
Mahai tenisa
2025/3/30atlético san sebastián 4
centro natación helios 3
-
Futbola
2025/3/30berriozar cf 1
oiartzun ke 1
-
Futbola
2025/3/30tolosa cf 1
mulier cd 0
-
Futbola
2025/3/30real madrid 3
real sociedad 0