KIROLAK Urtean 70.000 ikasle
Asteazkena, 2025.eko Maiatzak 28
2024-25 ikasturteko eskola-kiroleko izen-emateen bilakaera
Eskola Kirolaren programa proiektu komunitarioa da. Duela 30 urte baino gehiago, 180 ikastetxe eta guraso-elkartek, 40 federaziok baino gehiagok, 80tik gora udalek (200 koordinatzaile pedagogiko eta/edo operatibo inguru) eta oinarrizko 451 klubek eraikitako eta garatutako proiektua, hain zuzen.
Guztien artean ekosistema bat osatzen da, eta denboraldi bakoitzean 8.000 talde eta 3.200 monitore eta entrenatzaile baino gehiago biltzen ditu. Antolaketa-egitura konplexu horri esker, ia 70.000 ikaslek hartzen dute parte denboraldi bakoitzean, hainbat ibilbidetan banatuta.
2024-25 ikasturteko datuei dagokienez, zertxobait igo da Jolas Hezi programako parte-hartzea (3.331 ikasle, %37 neskak). Multikirola programan, aldiz, parte-hartzeari eutsi zaio, matrikulatutako ikasleen % 60 inguruk parte hartu baitu (17.121 ikasle, %39 neskak). Hala ere, bi programetan genero-arrakala erronka da oraindik.
Parte hartzeko lehiaketen kasuan, parte-hartzea % 6 murriztu da aurreko ikasturtearekin alderatuta, eta mutilen parte-hartzea % 9 jaitsi da. Erregistratu diren 28.794 lizentzietatik 13.411 neskenak izan dira (%46)
Hastapen-unitate edo kirol-eskolei dagokienez, guztira 10.464 ikaslek parte hartu dute futboleko, saskibaloiko, eskubaloiko eta errugbiko modalitateetan, eta nesken parte-hartzea %4 igo da. Ikasleen gorakada hori saskibaloian ez beste modalitate guztietan gertatu da, non nesken parte-hartzea %20 jaitsi den.
Nabarmentzekoa da 2024-2025 ikasturtean 6-21 urte artean dituzten eta dibertsitate funtzionala duten 282 ikaslek hartu dutela parte Eskola Kirol Egokitua programan, 40 taldetan banatuta. Eta EKI Eskola Kirol Inklusiboaren estratgiari dagokionez, 2024-25 ikasturtean dibertsitate funtzionala duten ikasleek osatutako 175 talde izan dira, modu inklusiboan kirolean. Horietatik 113 taldek begirale laguntzaile batekin parte hartu dute. Honenbestez, desgaitasun aitortua duten 6-21 urte arteko gipuzkoarren heren batek baino gehiagok Eskola Kirolaren eremuan jarduteko aukera izan du, bere beharretara egokitutako programa aktibo eta erregularretan parte hartuta.
Estatu mailako lehiaketak
Gipuzkoako taldeak !!
Nazioarteko eta Estatu Mailako Lehiaketak
-
Futbola
2025/6/22real sociedad b 1
gimnàstic de tarragona 2