.JPG&deporte=todos)
Euskal Pilota Martxan da Eskola Kiroleko Gipuzkoako Txapelketa
Asteazkena, 2024.eko Azaroak 13
Benjamin eta alebin kategorietako pilotariak dagoeneko ari dira eskuz, eta asteburuan hasiko da alebinen paletako lehia; 300dik gora taldek eman du oraingoz izena.
Martxan da 2024-25 denboraldiko Eskola Kiroleko Gipuzkoako Txapelketa. Benjamin eta alebin kategorietako pilotariak dagoeneko ari dira eskuzko parte hartzeko jardueretan eta txapelketako partidetan. Eta asteburuan (2024-11-16) hasiko da alebinen paletako lehia. 300dik gora taldek eman du izena oraingoz.
Ondorengo lerroetan jaso ditugu hainbat xehetasun:
ESKUA
- Benjamin eta alebin kategorietako pilotariek hartuko dute parte: benjaminek parte hartzeko jarduerak izango dituzte, eta ez da sailkapenik egingo; eta alebinek lehiaketa jarduerak izango dituzte.
- Neskak eta mutilak ariko dira.
- Taldeak 3-4 pilotariz osatuta egongo dira.
- Eskualdeka ariko dira, azken fasera arte: Buruntza, Deba, Donostialdea, Goierri, Oarso-Bidasoa, Tolosaldea eta Urola Kosta.
- 295 taldek eman du izena oraingoz: 147 benjaminetan (25 Buruntzan, 42 Deban, 19 Goierrin, 7 Oarso-Bidasoan, 34 Tolosaldean eta 20 Urola Kostan) eta 148 alebinetan (24 Buruntzan, 32 Deban, 10 Donostialdean, 12 Goierrin, 21 Oarso-Bidasoan, 28 Tolosaldean eta 21 Urola Kostan).
- Urriko azken asteburuan ekin zioten lehendabiziko faseari eskualde batzuetan, azaroko bigarren asteburuan jarraitu beste hainbatetan, eta aurrerago ere gehituko dira beste hainbat. Lehendabiziko fase hori urte bukaeraraino luzatuko da.
- Egoitzatan izango dira jardunaldiak, larunbat arratsaldetan. Eta hitzordu bakoitzean talde bakoitzak partida bat baino gehiago jokatuko ditu (frontisean eta errebotean).
- Partidak hiru jokotara (partida txikiak) izango dira, lehendabiziko biak banaka eta hirugarrena binaka. Joko bakoitza 8 tantotara lehiatuko da.
PALETA
- Alebin kategoriako palistek jokatuko dute, molle-pelle pilotarekin; batzuk molle-pelle handia eta beste batzuk molle-pelle txikiarekin.
- Neskak zein mutilak lehiatuko dira.
- Taldeak bizpahiru pilotariz osatuta egongo dira.
- Gipuzkoako mailakoa izango da, orokorra (ez eskualdeka).
- 14 taldek eman du izena: 9 talde molle-pelle handiko txapelketan (bi multzotan banatuta) eta 5 talde molle-pelle txikikoan (multzo bakarra).
- Larunbat honetan ekingo diote lehendabiziko faseari, eta urte bukaerara arte iraungo du.
- Egoitzatan izango dira jardunaldiak, larunbat arratsaldetan. Hauek dira aurreikusitakoak: azaroak 16, Zumaia; azaroak 23, Ordizia; azaroak 30, Oiartzun; abenduak 7, Azpeitia; abenduak 14, Orio.
- Molle-pelle handiko paleta txapelketan, hiru jokotako partida jokatuko dute: lehendabiziko biak banaka eta hirugarrena binaka. 10 tanto egitera izango dira banakakoak, eta 15 tanto egitera binakakoa.
- Molle pelle txikiko paleta txapelketan, berriz, binakako partida bat jokatuko dute, 25 tantotara.
Informazio gehiago Gipuzkoako Euskal Pilota Federazioaren webgunean.
Estatu mailako lehiaketak
Gipuzkoako taldeak !!
Nazioarteko eta Estatu Mailako Lehiaketak
-
Saskibaloia
2024/12/29valencia b.c.
idk euskotren
-
Hockey
2024/12/22ad rimas 8
atlético san sebastián 2
-
Saskibaloia
2024/12/22caja rural real valladolid baloncesto 94
mondragon unibertsitatea 60
-
Saskibaloia
2024/12/22iruki take 77
restaurante los arcos cb solares 78
-
Futbola
2024/12/22deportivo abanca 0
real sociedad 1
-
Futbola
2024/12/22sd eibar b 3
cd getxo 2