Euskal Pilota Zubieta 2 txapeldunorde 62. Enrique Abril Errebote Txapelketan
Asteartea, 2025.eko Azaroak 4
Azkenean ateri eutsi zion goizak eta dena eman zuten bi taldeek; bi ordutik gorako final lehiatua eskaini zieten Zubietako plazara bildutako guztiei. Baina, azkenean, Zubieta 2k ezin izan zuen txapela etxean jantzi eta Donibane Lohizuneko Luzean taldeak irabazi du 62. Enrique Abril Errebote Txapelketa:
Azaroak 2, igandea, 10:30, Zubieta-plaza
LUZEAN (Prajs, Carricaburu, Mendiola, Etchegaray, Muruaga) 13
ZUBIETA 2 (Aizpurua, Aizpurua, Argote, Garcia, Rezola) 9
Ez zuten aurkari erraza gipuzkoarrek. 33. finala zen igandekoa Luzean taldearentzat, eta 22. txapela gehitu dio bere palmaresari; azken bost edizioak irabazi dituzte donibandarrek. Hain zuzen ere, denboraldi hauetan lortu dituzte txapelak: 1963-64 (lehen edizioan), 1964-65, 1965-66, 1966-67, 1967-68, 1975-76, 1976-77, 1977-78, 1978-79, 2005-06, 2008-09, 2012-13, 2013-14, 2014-15, 2015-16, 2016-17, 2017-18, 2021-22, 2022-23, 2023-24, 2024-25 eta 2025-26. Eta beste 11 aldiz izan dira txapeldunorde, edizio hauetan: 1968-69, 1972-73, 1973-74, 1982-83, 1989-90, 1993-94, 2002-03, 2006-07, 2007-08, 2011-12 eta 2018-19.
Zubietarrentzat 8. finala zen igandekoa. Bi txapel dituzte, 2018-19 eta 2019-20 denboraldietan lortutakoak; eta beste 6 aldiz txapeldunorde izan dira: 2010-11, 2013-14, 2015-16, 2016-17, 2017-18 eta 2025-26 denboraldietan.
Palmares orokorra gogora ekarriz, Luzean da sailkapen buru, 22 txapelekin (11 aldiz txapeldunorde); atzetik ditu Aviron Bayonnais, 14 txapelekin (6 aldiz azpitxapeldun); Kapito Harri, 11rekin (8 aldiz txapeldunorde); Behar Zana eta Noizbait, 4rekin (biak 9 aldiz azpitxapeldun); Zubieta eta Endaiarrak, 2rekin (hurrenez hurren, 6 aldiz eta behin txapeldunorde); eta Yoko Garbi eta Zaharrer Segi, banarekin (lehena 6 aldiz txapeldunorde eta bigarrena behin). Oiarpe, Donapaleu, Sara eta Txost taldeek ez dute txapelik, baina hirurak behin izan dira azpitxapeldun.
Euskal Herriko 8 talde lehiatu dira 62. Enrique Abril Errebote Txapelketan: Behar Zana (Amasa-Villabona, Gipuzkoa), Kanboarrak (Kanbo, Lapurdi), Luzean (Donibane Lohizune, Lapurdi), Txost (Oiartzun, Gipuzkoa), Senpere (Senpere, Lapurdi), Zaharrer Segi (Baigorri, Nafarroa Beherea), Zubieta 1 (Zubieta, Gipuzkoa) eta Zubieta 2 (Zubieta, Gipuzkoa).
Estatu mailako lehiaketak
Gipuzkoako taldeak !!
Nazioarteko eta Estatu Mailako Lehiaketak
-
Futbola
2025/11/9real sociedad de fútbol b
sd huesca
-
Areto Futbola
2025/11/2oiartzun ke 3
afantxo pesc. ferreres 6
-
Eskubaloia
2025/11/2tolosa c.f. eskubaloia 37
egia teila fabrika 31
-
Eskubaloia
2025/11/2grafometal sporting la rioja 21
super amara bera bera 22
-
Eskubaloia
2025/11/2labarra-nikol pulpo ek 24
amenabar zarautz zke 31
-
Saskibaloia
2025/11/2iruki take 77
construcciones gonzalo crespo pas piélagos 79