Euskal Pilota Gomazko paletako eta palako lehiekin hasiko da, asteburuan, Herriarteko Txapelketa
Osteguna, 2021.eko Apirilak 29
Ordizia vs Donostia, Deba vs Andoain eta Oiartzun vs Olaberria izango dira larruzko paleta eta pala motzako txapelketako jaialdiak; Soraluze vs Zumarraga eta Zestoa vs Deba, berriz, gomazko paletako lehiakoak
Asteburu honetan (2021-05-02) hasiko da 2021eko Gipuzkoako Herriarteko Txapelketa, gomazko paletako eta larruzko paleta eta pala motzako lehiekin.
Larruzko paleta eta pala motzako txapelketan, final-laurdenetako joanekoak jokatuko dituzte jardunaldi honetan; hiru jaialdi izango dira: Ordizia vs Donostia, Deba vs Andoain eta Oiartzun vs Olaberria.
Eta gomazko paletako txapelketan, final-hamaseirenetako joanekoak izango dira jokoan: Soraluze vs Zumarraga alde batetik, eta Zestoa vs Deba bestetik.
Partida guztiak ikuslerik gabe jokatu beharko dira.
Hauxe da asteburu honetako kartelera:
APIRILAK 29, OSTEGUNA
- 18:00, Zestoa-Gurutzeaga: ZESTOA / DEBA (gomazko paleta)
MAIATZAK 1, LARUNBATA
- 10:00, Soraluze-Udalekoa: SORALUZE / ZUMARRAGA (gomazko paleta)
MAIATZAK 2, IGANDEA
- 10:30, Oiartzun-Madalensoro: OIARTZUN / OLABERRIA (larruzko paleta eta pala motza)
- 11:00, Deba-Aldats: DEBA / ANDOAIN (larruzko paleta eta pala motza)
- 16:30, Ordizia-Beti Alai: ORDIZIA / DONOSTIA (larruzko paleta eta pala motza)
Zesta-puntako lehiari hurrengo jardunaldian, maiatzaren 9koan, ekingo diote. Eta eskuzko txapelketa maiatzaren 16ko asteburuan jarriko da martxan.