Euskal Pilota Enrique Abril Errebote Txapelketak emango dio hasiera 2022-23 denboraldiari, asteburuan
Asteazkena, 2022.eko Abuztuak 31
Euskal Herriko 9 klubek eman du izena 59. edizio honetan, tartean Gipuzkoako 2: Txost eta Zubieta; eguraldiak ez badu baldintzatzen txapelketaren martxa, urriaren 9ko jardunaldian izango da ikusgai finala, Zubietan
Enrique Abril Errebote Txapelketarekin hasiko da, asteburuan (2021-09-04), lehiaketa ofizialen 2022-23 denboraldia.
59. edizioak arreta piztu du, antza, eta Euskal Herriko 9 klubek eman du izena. Horietako bi izango dira Gipuzkoakoak: Oiartzungo Txost eta Zubietako Zubieta.
Hiru multzotan lehiatuko dira parte-hartzaileak:
A MULTZOA
Luzean (Donibane Lohizune, Lapurdi)
Senpere (Senpere, Lapurdi)
Zaharrer Segi (Baigorri, Nafarroa Beherea)
B MULTZOA
Endaiarrak (Hendaia, Lapurdi)
Kapito Harri (Uztaritze, Lapurdi)
Zubieta (Zubieta, Gipuzkoa)
C MULTZOA
Noizbait (Hazparne, Lapurdi)
Txost (Oiartzun, Gipuzkoa)
Kanboarrak (Kanbo, Lapurdi)
Lehenik, itzuli bateko ligaxka jokatuko dute multzo bakoitzean, irailaren 4ko jardunaldian hasi eta irailaren 25ekora bitartean. Partida guztiak Oiartzungo, Villabonako eta Zubietako plazetan izango dira.
Multzo bakoitzean lehen postuan sailkatutako taldeek eta bigarren sailkaturik onenak jokatuko dituzte finalerdiak, honela: A1 vs 2. sailkaturik onena, eta B1 vs C1. Eguraldiak ez badu baldintzatzen txapelketaren martxa, urriaren 2ko asteburuan izango dira ikusgai finalerdiak.
Irabazleek, hala, urriaren 9ko jardunaldian jokatuko lukete finala, Zubietako plazan.
Estatu mailako lehiaketak
Gipuzkoako taldeak !!
Nazioarteko eta Estatu Mailako Lehiaketak
-
Saskibaloia
2023/12/3idk euskotren
perfumerias avenida
-
Neguko Kirolak
2023/12/3c.h.h. txuri urdin
cg puigcerda
-
Hockey
2023/12/3atletico san sebastian
rs tenis
-
Mahai tenisa
2023/12/3irun leka enea
enoli les borges vall
-
Mahai tenisa
2023/12/3irun leka enea
club del mar
-
Mahai tenisa
2023/12/3atletico san sebastian
boadilla tm ceip teresa berganza