Euskal Pilota Lapke, aurten ere Gipuzkoako txapeldun eskuz binaka nagusien Ohorezko mailan
Asteazkena, 2019.eko Azaroak 20
Ilunpe (nagusien 1. maila), Añorga (nagusien 2. maila), Tolosa 2 (jubenilen 1. maila) eta Lapke 2 (kadeteen 1. maila) dira oraingoz gainontzeko Gipuzkoako txapeldun berriak eskuz binakako espezialitatean; asteburu honetan eskuz banakako lehia hasiko da
Lapke taldeak jantzi du, aurten ere, eskuz binakako mailarik goreneko txapela Ezker Hormako Kluben Arteko Gipuzkoako Txapelketan; eskuz binakako nagusien Ohorezko mailako finala irabazi du, hain zuzen ere, Hernani taldearen kontra. Azken hiru denboraldietan irabazi du Lapke klubak maila horretako finala: 2017-18 denboraldian Zubizarreta-Garmendia Exposito-Aranguren bikotearen Pagazperi nagusitu zitzaizkion, 2018-19an Zubizarreta-Garmendiak Labaka-Telletxearen Tolosa taldearen kontra irabazi zuten, eta aurtengoan Zubizarreta-Quinak Hernaniko Exposito-Lizeaga hartu dituzte mendean.
Eskuz binakako beste hainbat final ere jokatu dituzte asteburuan, Idiazabalen eta Tolosan. Hala, Gipuzkoako txapeldun berriak dira Ilunpe (Alberdi-Salegi) nagusien 1. mailan, Añorga (Oliden-Orbegozo) nagusien 2. mailan, Tolosa 2 (Amiano-Sudupe) jubenilen 1. mailan, eta Lapke 2 (Zubizarreta-Garcia) kadeteen 1. mailan.
Ondorengo lerrotan dituzue eskuz binakako finalen jaialdien xehetasunak:
Azaroak 16, larunbata, 11:00, Idiazabal-Igarondo
1. Eskuz binaka kadeteak, 1. maila:
TOLOSA 2 (Amiano-Iztueta) 19 / LAPKE 2 (Zubizarreta-Garcia) 22
2. Eskuz binaka nagusiak, Ohorezko maila:
LAPKE (Zubizarreta-Quina) 22 / HERNANI (Exposito-Lizeaga) 14
Azaroak 16, larunbata, 16:30, Tolosa-Beotibar
1. Eskuz binaka jubenilak, 1. maila:
MUNDARRO (Lizeaga-Lizeaga) 19 / TOLOSA 2 (Amiano-Sudupe) 22
2. Eskuz binaka nagusiak, 2. maila:
MUNDARRO (Loidi-Sanchez) 20 / AÑORGA (Oliden-Orbegozo) 22
3. Eskuz binaka nagusiak, 1. maila:
ILUNPE (Alberdi-Salegi) 22 / PAGAZPE (Santxo-Urruzola) 11
Eskuz binakako lehia hauek amaituta (kadeteen 2. eta 3 mailakoek, jubenilen 2. mailakoek eta nagusien 3. mailakoek oraindik lehian jarraitzen dute), eskuz banakako partidei ekingo diete pilotariek asteburuan (2019-11-24).
73 pilotarik eman du izena kadeteetan (39 1. mailan eta 34 2. mailan), 41 jubeniletan (30 1. mailan eta 11 2. mailan) eta 69 nagusietan (40 1. mailan eta 29 2. mailan).
Lehenik, itzuli bateko ligaxka jokatuko dute, abenduaren 8ko asteburura bitarte. Abenduaren 29ko jardunaldian jokatuko dituzte finalerdiak. Eta finalak 2020ko urtarrilaren 5eko asteburuan izango dira ikusgai, oraindik erabakitzeko dauden egoitzetan.