Multikirolari buruzko behin-behineko exekuzio autoaren aurrean Gipuzkoako Foru Aldundiak ez du errekurtsorik aurkeztuko
Asteazkena, 2025.eko Apirilak 23
Kultura eta Kirol Departamentuak bere gain hartzen du kirol eskoletan parte hartzeko multikirolan aldez aurretik izena emateko baldintza ezabatzen duen epaiaren behin-behineko betearazpena.
Multikirolan parte hartzeko derrigortasuna aldi baterako indarrik gabe uzten duen behin-behineko exekuzio autoaren aurrean, Gipuzkoako Foru Aldundiak ez du berraztertzeko errekurtsorik aurkeztuko. Erakundeak errespetatu eta onartu egiten du epailearen erabakia, jarritako kasazio-errekurtsoaren ebazpenaren zain dagoen bitartean.
Orain arte, Gipuzkoako eskolako kirol ereduak baldintza gisa multikirolan izena emanda egotea ezartzen zuen — 8 eta 12 urte bitartean hainbat kirol modalitate egitea sustatzen duen programa bat —. Hala ere, epaia behin-behinean betearazteak esan nahi du baldintza hori ez dela eskatzeko modukoa.
Joan den apirilaren 11n foru diputatuak Batzar Nagusietan agertzeko eskatu zuen, 2 helbururekin:
1- Multikirola programaren finantzaketa-azterlanari buruzko informazioa ematea. Aurreko agerraldian horren inguruko hausnarketaren bat aurreratu zuen.
2- Etorkizuneko agertokiak aurreratzea, kirol-hastapeneko eredu inklusiboa, solidarioa eta kalitatezkoa babesteko.
Duela gutxi ezagututako autoa ikusita, haren edukia zabalduko dira. Testuinguru horretan, Alvarezek azpimarratu du Gipuzkoako Foru Aldundiak berretsi egiten duela Gipuzkoako kirol-hastapenean parte hartzen duten eragileekin batera lanean jarraitzeko konpromisoa, lurraldeko haur guztien kirol-eskubidea bermatzeko. Eskubide hori erakunde publikoek babestu eta sustatu behar dute.
Aldi berean, eskola-kirolari buruzko ponentzia espezifiko bat sortzea sustatu da, hezkuntzako, kiroleko eta erakundeetako eragileen parte-hartzearekin, Eskola Kirolaren Gipuzkoako eredua indartzeko eta programa birpentsatzeko, inklusioaren, ekitatearen eta kalitatearen ikuspegitik.
Estatu mailako lehiaketak
Gipuzkoako taldeak !!
Nazioarteko eta Estatu Mailako Lehiaketak
-
gizonezkoen federazio hirugarren maila
2025/5/25leioa sd 1
beasain sd 3
-
gizonezkoen federazio lehen maila
2025/5/25real sociedad b 2
celta fortuna 0
-
gizonezkoen federazio lehen maila
2025/5/25athletic club b 4
real union club 2
-
2.maila mutilak
2025/5/25sd eibar
córdoba cf
-
gizonezkoen 1.maila
2025/5/25real madrid 2
real sociedad 0