.JPG&deporte=futbol)
Abian da Eskola Kirolaren lizentzia digitala
Osteguna, 2025.eko Apirilak 24
Eskola Kirolaren lizentzia digitalaren bidez, erakundeek, ikastetxeek zein gurasoek Eskola Kiroleko parte-hartzaileen informazio eguneratua izango dute, eta urtero izapidetzen diren izen-emateak eta istripu parteak kontsultatu ahalko dituzte denbora errealean.
Gurasoek beren seme-alabaren lizentzia digitala eskatu diezaiekete dagokion erakundeari (ikastetxe ala klubari). Modu honetan, haurrak eskola kirolean parte hartzen duen bitartean, urtero izapidetzen diren izen-emateak eta istripu parteak kontsultatu ahalko ditu denbora errealean.
Gainera, erakundeek zuzenean deskargatu ahal izango dute partaideen edo taldeen eskola-lizentzia digitala, Eskola Kirolaren aplikazioaren bidez, eta ikasturtean zehar egiten diren aldaketei buruzko informazioa jasoko dute denbora errealean.
Izena emateko orduan, aurrez ezarritako baldintzak betetzen ez badira, gerta daiteke gorabeherak dituzten parte-hartzaileak edo taldeak identifikatzea, eta horiek ez dute eskola-lizentziarik izango Gipuzkoako Foru Aldundiak gorabehera bideratu arte.
Hori dela eta, gorabeherak ahalik eta azkarren konponduko ditu (baimendu edo ukatu) dagokion Eskualdeko Kirol Bulegoak. Gorabehera konpondu ondoren, dagokion erakundeak abisu bat jasoko du Eskola Kirolaren aplikazioan agertzen den posta elektronikoan. Gorabehera ez bada baimentzen, kasu bakoitzerako adostutako irizpideak ez dituela betetzen ulertuko da. Dagokion erakundeak, salbuespenezko egoera gisa ulertu behar dela uste badu, baimena eskatu ahal izango du baimenen aplikazioaren bidez.
Bestetik, jakinarazten dizuegu, 2025-26 ikasturtetik aurrera, eskola-lizentzia digitalean parte-hartzailearen argazkia agertu beharko da, lehiaketa hauetan parte hartzeko:
• Errendimendu-hastapeneko lehiaketa
• Gipuzkoako Eskolarteko Lehiaketak (haur mailatik aurrera)
Estatu mailako lehiaketak
Gipuzkoako taldeak !!
Nazioarteko eta Estatu Mailako Lehiaketak
-
gizonezkoen federazio hirugarren maila
2025/5/25leioa sd 1
beasain sd 3
-
gizonezkoen federazio lehen maila
2025/5/25athletic club b 4
real union club 2
-
gizonezkoen federazio lehen maila
2025/5/25real sociedad b 2
celta fortuna 0
-
2.maila mutilak
2025/5/25sd eibar
córdoba cf
-
gizonezkoen 1.maila
2025/5/25real madrid 2
real sociedad 0