Kirola eta gizartea Adinekoen Kirola
Zahartzaroa eta jarduera fisikoa
Errendimendu fisikoa aldatzen da urteekin, sasoirik beteena gaztaroa izanik eta 35 urtetik aurrera etengabe beheranzko joera agertuz, berau 55 edo 60 urtetik aurrera askoz ere bizkorragoa izanik eta hori zahartze-prozesuak berekin dakartzan aldaketa fisiologikoen ondorioz.
Gero eta gehiago dira urteetan sartuta bizi diren edo edade aurreratuetara heltzen diren pertsonak eta belaunaldi bakoitzak aurrekoak baino urte gehiago bizi izaten ditu. Hau da, urte gehiagoz bizitzeko itxaropen edo aukerak handitu dira eta hirugarren adina gaindituta, laugarren adin batera heltzen ari gara. Laugarren adina badiogu 65 urtekoak izanik bizitza aktiboa dutenengandik bereizteko da.
Denbora-muga bat badugula sentitzeak etorkizunari begira egin ditzakegun egitasmoetan eragina izan dezake zuzen-zuzenean. Denboraren muga horien aurrean badira deprimitzen diren pertsonak, beste batzuek ez ikusiarena egiten dute eta beste batzuek, ordea, errealitatera egokituta, euren bizitza poztasunez eta lehen bezain betea izateko gogoz hartzen dute.
Badira irizpide ezberdin batzuk pertsona bat "zaharra" dela esateko.
- Irizpide kronologikoa: zenbat urte dituen pertsonak, adina; eta hori erretiroarekin edo derrigorrean jubilatu beharrarekin erlazionatuta.
- Irizpide fisikoa: pertsonarengan izandako aldaketa fisikoak hartzen dira kontuan; hala nola, jarrera izandako aldaketak, ibilera, aurpegiera, ilearen kolorea, azala, ikusmena eta entzumena, oroimen-problemak eta lo alteratua. Horrek guztiak eguneroko jardueretan modu argian izandako aldakekin loturik.
- Irizpide soziala: gizartean pertsonek duten rol edo eginkizunaren araberakoa.
Irizpide horiek guztiak erlatiboak dira, faktore askoren eta, batez ere, pertsona bakoitzaren espirituaren menpean daude eta. Zahartzearen kausei buruzko teoria guztiek onartzen dute oinarri biologikoa, gizarte-ingurumariak modu positiboan edo negatiboan eraginda.
Zahartzea azkartzen duten faktoreen artean honako hauek daude:
- Lodi egotea.
- Estresa.
- Hipertentsioa.
- Tabakismoa eta alkoholismoa.
- Bakartasuna.
- Gizartean eta lanean partaidetza eskasa edukitzea.
- Sedentarismoa eta jarduera fisiko eskasa..
Zahartzea atzeratzen duten faktoreen artean honako hauek daude:
- Lo lasaia.
- Gorputz ariketa iraunkorra.
- Ondo elikatzea.
- Gizartean eta lanean parte hartzea.
Estatu mailako lehiaketak
Gipuzkoako taldeak !!
Nazioarteko eta Estatu Mailako Lehiaketak
-
Futbola
2026/1/25granada cf 0
sd eibar 0
-
Futbola
2026/1/18sd eibar 1
madrid cf femenino 3
-
Areto Futbola
2026/1/18antiguoko ke estudio dental barrenechea 2
otxartabe de bilbao cddf 6
-
Futbola
2026/1/18real zaragoza 1
real sociedad de fútbol b 1
-
Areto Futbola
2026/1/18afantxo pesc. ferreres 7
ufs usansolo 2
-
Eskubaloia
2026/1/18super amara bera bera 20
atticgo bm elche 25