Kirola eta gizartea Kirol kudeaketa
Babesletzaren garapena
Kirol jarduerak balore positiboak transmititu ditzake, eta, balore horiek kirola egiten duenarengana zein ikuslearengana iristen dira. Era horretan, kirol harreman bat sortzen da, kirolaren protagonista nagusiaren eta bere publikoaren artekoa, hain zuzen ere.
Gainera, kirol ikuskizunak harreman berriak ahalbidetu ditu, eta, horien artean informazio harremana nabarmen daiteke. Informazio harremanak merkataritza helburua duten mezu konbentzigarriak zabaltzeko aukera ematen du: enpresek kirolean aurkitzen dituzten ideiak eta baloreak beren komunikazio estrategietara aldatu nahiko lituzkete, eta, irudi ona hedatu nahian, hainbat kirol sustatzailerekin elkartzen dira, eta babesa da horren erakusgarri.
Gaur egungo ikuspegitik, kirol babesean BOST aldi, gutxienez, bereiz ditzakegu:
- A)- Antzinako aitzindariak. Ezaguna da Erromako enperadoreek herri jokoei emandako laguntza, XI. Mendean Italiako iparraldeko "commendas" izenekoak, edota duela ez hainbeste, besteak beste, Georges Averoffek eginiko dohaintza. Izan ere, 920.000 drakma eman zituen Panateneo Stadiuma eraikitzeko. Stadium hartan egin ziren Aro Modernoko lehenengo Joko Olinpikoak.