Kirolak.net : Gipuzkoako kirolaren web gunea

Kirola eta gizartea Kirola eta Osasuna

Bizkarrezur bifidoa: bizkarrezurreko uztaien garapen eskasak sortzen du, eta muinak ornoen artetik egiten du ihes.
Anputazioa: gorputzaren zati baten exeresia edo bereizketa da.
Paralisi periferikoa edo muinekoa: honakoak bereiz ditzakegu: paraplegia (gorputzaren alde simetrikoen paralisia), tetraplegia (besoen eta zangoen paralisia), monoplegia (gorputz adar bakarraren paralisia), hemiplegia (gorputz erdiaren mugikortasun galeraren sindromea), pentaplegia (besoen eta zangoen paralisia, eta lepoaren mugikortasun eza), eta paresia deritzanak, non ez dagoen erabateko mugikortasun eza, eta bereiz ditzakegu monoparesia, paraparesia, hemiparesia eta tetraparesia.

Bada beste sailkapen bat ere, eta dituzten aukeren arabera zailtasun maila ezberdinak proposatu daitezke:

Minusbaliatu fisikoak: mugikortasun urrikoak eta gaitz organiko larridunak (kardiopatiak, entzumen urritasun larriak).
Gurpildun aulkiko kirolariak:
- Eskuarki gurpildun aulki elektrikoekin mugitzen direnak (SE).
- Goiko eta beheko adarretan mugikortasun eskasa duten kirolariak, eskuak ixteko gaitasun urria eta enborraren oreka gutxi dutenak, oro har gurpildun aulkia eskuz edo pedalez mugitzen dutenak (S1).
- Besoetan mugikortasun ona eta enborrean oreka gutxi duten kirolariak; edo besoetan mugikortasun osoa ez, baina enborrean oreka ona duten kirolariak (S2).
- Besoetan mugikortasun ona eta gurpildun aulkian enborreko oreka ona duten kirolariak (S3).
Oinezko kirolariak:
- Goiko eta beheko adarretan gutxitasuna, eta oreka arazoak dituzten kirolariak (DP1).
- Beheko atalean gutxitasun arina dutenak, korrika eta jauzi egiteko arazoekin, eta besoetako gutxitasuna; edo zangoetako gutxitasuna dutenak eta beso jaurtitzailean ezintasun arina (DP2).
- Zangoetan gutxitasun arina dutenak, jauzi egiteko arazorik gabe, eta besoak egoera onean; zango onak baina beso bateko ezintasuna dutenak; enborreko arazoak dituzten kirolariak; koordinazio eza duten kirolari ezinduak; edo arnas gutxitasun larria dutenak (DP3).
Uretako kirolariak (G1,G2,G3,G4)
Ikusmen arazoa dutenak (DV1,DV2,DV3)

Iturria: Dr. Enrique Pérez de Ayala

Itzuli