Kirola eta gizartea Emakumeen kirola
XIX-XX mendea
XX. mendean jada, eta 70. eta 80. hamarkadetako emakumezkoen borroken ondorioz, nolabaiteko aurrerapena izan zen, gizonezko eta emakumezkoei aukeren berdintasunean. Badirudi kirola eskuragarriagoa zela eta egokiagotzat jotzen zela emakumezkoentzat. Pentsatzen da emakumekoek kirolak ematen dituen aukeren onura jaso dezaketela eta jaso egin behar dutela, besteak beste, sona, boterea, dirua, nagusitasuna, publizitate kontratuak eta bidaiak, eta, era berean, ahalmen fisikoa garatzen, gorputza menperatzen eta emakumezkoen joera berriak estimatzen ahalbidetzen duela.
XIX. mendearen amaieran eta XX. mende osoan zehar, emakumeek gizartean izan duten parte hartzea poliki-poliki hazten joan da eta gainezka egin du. Munduko Lehen Gudaren jarraipenean eskulan moduan sartu izanak eta Munduko Bigarren Gudan, berriz, asistentzia lanetan, batetik, eta etxeko lanetan eta bulegokoetan soldatapean aritzeak, hainbat mugimendu errebindikatiboetarako bidea ireki zieten, gizonezkoek zituzten gizarte berme eta prestazio berdinak edo hobeak lortzeko asmotan. Borroka haien helburua politikan parte hartzeko eskubidea eta kargu publikoak betetzekoa aintzat hartzea zen; baita ere, unibertsitate hezkuntzaren eskubidea, dibortzioarena, eta, berezi-bereziki giza espeziea kontserbatzeko bermatzaile izanik, horri buruz erabakitzeko eskubidea; alderdi hori mundu osoan gizarteak eta kulturak estigmatizatua izan da.
Aldi berean, Europako mugimendu gimnastikoa garatzen hasi zen, hasiera batean, gizonezkoentzat pentsatua, Francisco Amoros espainiarraren gimnasia militarra, kasu. Beste hainbat metodo ere azaldu ziren, eta laster emakumeei ere aplikatu zitzaien, besteak beste, gimnasia suediarra, eta, batez ere, Hebert metodoa, mutiko eta neskatoentzako metodo naturala proposatu zuena, bakoitzaren ahalmenari egokitzen zitzaiona, hain zuzen ere. Mugimendu gimnastikoek gaur egungo emakumeentzat oso garrantzitsuak diren metodo mota desberdinak sorrarazi dituzte, esate baterako, gimnasia goxoak, lasaiak, aerobica edota mantentze gimnasia.
Horrela, emakumeek bizimodu, bizi estilo eta bizitza baldintza ugarirekin eten egiteari ekin zioten, hain zuzen ere, beren ahalmenak erabat garatzea galarazten zietenei. Gaur egun, oraindik ere, garatu gabeko herri askotan antzematen da hori. Industrializazioaz geroztik, emakumeak lan merkatuan sartu izanak eta horren ondorioz dinamika politiko eta administratiboetan lortutako protagonismoak emakumeen balorazio desberdina sortu zuen gizartean, eta, nolabait ere, paradigma zaharrak puskatu zituen eta emakumeek kirol jardueretan parte hartzea desmitifikatu.
Estatu mailako lehiaketak
Gipuzkoako taldeak !!
Nazioarteko eta Estatu Mailako Lehiaketak
-
Futbola
2025/10/26real sociedad de fútbol
sevilla fc
-
Futbola
2025/10/26ud mutilvera
sd beasain
-
Futbola
2025/10/26real sociedad de fútbol c
portugalete club
-
Futbola
2025/10/26lagun onak cd
zarautz ke
-
Futbola
2025/10/26aretxabaleta ud
touring cd
-
Futbola
2025/10/26sd eibar c
leioa sd