Kirola eta gizartea Emakumeen kirola
Kerstin Palm
Udako Olinpiadetan gehien parte hartu duen emakumea Kerstin Palm suediarra da. Esgriman zazpi aldiz jarraian lehiatu da, hain zuzen ere, 1964 eta 1988 bitarteko Joko Olinpikoetan Juan Antonio Samaranchek, 1980an COIko lehendakari aukeratu zutenean, emakumeak zuzendaritzan sartzeko aukera izatea jarri zuen lehentasun, eta, hala, 1981etik, lehenengo aldiz historia olinpikoan, hainbat emakume aukeratu dira COIko kidetzat, Anita L. DeFrantz, kasu, COIko lehendakariordea eta emakumea eta kirola izeneko lantaldeko lehendakaria. Emakumea eta kirolari buruzko lehenengo hitzaldia Brihton-en (Erresuma Batuan) izan zen, 1994ko maiatzaren 5etik 8ra. British Sports Council-ek antolatu zuen, Nazioarteko Batzorde Olinpikoaren laguntzaz; bertan, kirol arloko politika eta erabakien arduradunak bildu ziren. Hitzaldiak emakumezkoen kirolerako, kontinente guztiak bere baitan hartzen dituen nazioarteko estrategia bat garatzea ezarri eta garatzea erabaki zuen. Brihton-eko dokumentu edo deklarazioak kirol kultura baten garapena dakar, hain zuzen ere, emakumezkoen kirolaren arlo guztietan erabat parte hartzea ahalbidetu eta baloratzen duena.