Kirola eta gizartea Emakumeen kirola
Flor Isava Fonseca y Pirjo Haggman
Nazioarteko Batzorde Olinpikoko lehenengo emakumezko bi kide Flor Isava Fonseca (Venezuela) eta Pirjo Haggman (Finlandia) izan ziren, 1981. Pirio Haggmanek 1999an bere karguari uko egin zion. 1996ko urrian, Lausanan Emakumea eta Kirolari buruzko munduko lehenengo hitzaldia antolatu zen; emakumea eta kirolaren arloan egindako aurrerapenak ebaluatu ziren; hainbat esperientzia entzun eta partekatu ziren, eta, gainera, olinpiar familian emakumezkoen aitzindaritza sustatzeko politikak definitu ziren.
Errumania ordezkatuz, adibidez, emakumezkoek 109 domina irabazi dituzte Joko Olinpikoetan; gizonezkoek, berriz, 104 bakarrik.
74 herritako 400 ordezkarik Emakumea eta Kirolari buruzko II. Munduko Hitzaldian hartu zuten parte, Windhoek-en (Namibian), 1998ko maiatzaren 19 eta 22 bitartean; han Brihton-eko deklarazioaren printzipioak berretsi ziren, eta, gainera, nazioartean dauden tresnekiko loturak ezartzeko beharra aintzat hartu zen, bereziki, Beijing-eko ekintzarako plataformarekin, edota emakumeen kontrako bazterkeria modu guztiak ezezteari buruzko NBko Konbentzioarekin. Izan ere, bazterkeria modu horiek emakumezkoen aurrerapenean zuzen edo zeharkako eragina dute.
Emakumea eta Kirolari buruz COIk antolatu zuen Munduko bigarren hitzaldia Parisen antolatu zuen 2000ko martxoaren 6 eta 8 bitartean, eta hainbat proposamen egin ziren etorkizunari begira. Urtetan zehar, 17.000 emakume inguruk hartu dute parte lehiaketa olinpikoetan.