Kirola eta gizartea Osasuna eta elikadura
Elikagai gomendagarriak
Kirolarientzako dietarik onenak kirolarien beharrak ase behar ditu, kaloriatan, proteinatan zein bitamina eta mineraletan. Oso garrantzitsua da ura eta mineralak hartzea, ariketak egin bitartean izerdiaren bitartez galtzen baitira.
Behar-beharrezko elikagaiak:
- Fruta osoak eta zuku naturalak, azidoak ez direnak. Egunero 4 errazio. .
- Barazki gordinak, lurrinetan, labean (hosto berdedunak, aza mota guztiak, zainak, etab). Egunero errazio gordin 1 (entsalada) eta beste bat kuzinatua, gutxienez.
- Zereal integralak, hartutako guztien %70 behintzat (arroza, garia, oloa, zekalea, artatxikia, cous-cous-a, pasta, ogia, etab.) Lekariak (soia, dilistak, garbantzuak, babarrunak, ilarrak, etab.). Tofu-a, seitan-a. Egunero 2 errazio.
- Ernamuinak (soia, alpapa edota gariarenak). Astean bizpahiru aldiz.
- Haziak eta intxaurrak (gutxi). Astean bi aldiz edo gehiago.
- Oliba olioa hotzetan prentsatua, liho olioa. Egunero.
- Ur hotzetako arrain urdina (izokinak, sardinzarrak, sardinak, antxoak, berdela, errekako amuarraina). Astean bizpahiru aldiz. Horien ordez, egunero liho olioaren koilarakada bat har liteke.
- Ur minerala eta zukuak (3:1). Egunero 8 basokada handi (ura eta zukuen artean).
Hautazko elikagaiak:
- Esnekiak (hobe da behi esnea ahanztea; ahuntz esnea hobeto digeritzen da) Hobe da hartzitutako produktuak hartzea, besteak beste, jogurt biologikoa (bifidobakteriaduna) eta gazta freskoak (hobe da ardi gazta edota ahuntzarena hartzea). Egunero errazio bat, gehienez.
- Haragi biologikoak. Txerrikia saihestu behar da. Hamar egunetan behin.
- Arrautza biologikoak. Astean bitan.
Gomendatzen da, ahal dela, elikagai guztiak laborantza edo hazkuntza biologikoetan sortutakoak izatea, barrenean ez baitute ez pestizidarik, ez metal astunik, ez antibiotikorik, ez hormonarik ezta bestelako sustantzia toxikorik ere.
Elikagai kaltegarriak:
Ahalik eta gutxien kontsumitu behar dira, inolako elikagarririk ez emateaz gain, lehenago edo geroago, osasun arazoak sortzen baitituzte.
- Azukre birfindua eta gozokiak.
- Saturatutako gantzak (animalienak) eta "Trans" motako gantzak edo hidrogenatuak (margarina, opilak, birfindutako olioak,etab.)
- Gatz gehiegi.
- Hestebeteak (ezkur urdaiazpiko iberikoa salbu, eta errazio txikitan).
- Birfindutako irin zuriak (ogi zuria, pasta zuria, etab.)
- Industrialki prozesatutako produktuak (prestatutako produktuak, aldez aurretik kuzinatutakoak, potetakoak edota kontserbatakoak) kontserbatzaile edo koloratzaile kimikodunak.
- Haragi gorria eta hegaztiak gehiegitan jatea (astean behin baino gehiagotan). Saiatu behar da haragiak jatorri biologikoa izatea edo ehiza haragia izatea. Bereziki, txerrikia eta animalien gantza saihestu behar da..
- Tabakoa eta alkohola (gomendatzen da, ordea, egunero kopa bat ardo beltz hartzea).
Estatu mailako lehiaketak
Gipuzkoako taldeak !!
Nazioarteko eta Estatu Mailako Lehiaketak
-
Saskibaloia
2025/10/26inveready gipuzkoa 76
palmer basket mallorca palma 86
-
Saskibaloia
2025/10/26domusa teknik isb
azulmarino mallorca palma
-
Saskibaloia
2025/10/26ulacia zke
blendio
-
Saskibaloia
2025/10/26reina proteínas clavijo
biele isb
-
Futbola
2025/10/26ud mutilvera
sd beasain
-
Errugbia
2025/10/26ampo ordizia
barça rugby